У Беларусі ўстаноўлены тэрміны збору журавін і брусніц. Рашэнні аб усталяваных тэрмінаў збору, нарыхтоўкі (закупкi) дзiкарослых ягад журавін і брусніц прымаюць абласныя выканаўчыя камітэты.
Так, збіраць брусніцы ўжо можна ў Брэсцкай і Гомельскай абласцях — з 8 жніўня, у Магілёўскай — з 12 жніўня. З 15 жніўня збор гэтай ягады дазволены ў Мінскай вобласці, з 16 — у Віцебскай, з 20 жніўня будзе дазволены ў Гродзенскім рэгіёне.
Нарыхтоўку журавін першымі пачнуць жыхары Брэсцкай вобласці — з 24 жніўня. З 25 жніўня збіраць яе змогуць жыхары Гомельскай вобласці, з 1 верасня — Магілёўскай, а з 2 верасня — Мінскай. Журавінавы сезон у Віцебскай вобласці адкрыецца 3 верасня, у Гродзенскай — 6 верасня.
Збіраць ягады трэба спосабамі, якія не наносяць шкоды ягаднікам і не прыводзяць да іх знішчэнню. Пры зборы брусніцы ўтрыманне спелых ягад павінна складаць не менш за 99% ад сабранай масы, журавін — не менш за 95%. За парушэнне тэрмінаў, прымяненне забароненых сродкаў або метадаў збору або нарыхтоўкі, або іншае парушэнне правілаў збору прадугледжана адказнасць: папярэджанне або штраф да 20 базавых велічынь, для ІП — да 100 базавых велічынь, для юрыдычных асоб — да 500 базавых велічынь.